Header Ads

اوعى تعمل دبلومة



اكبر خطأ ممكن تغلطه كمحاسب عاوز يطور نفسه مهنيا انك تعمل دبلومة في المحاسبة والمراجعة او الضرائب وده للأسباب دي وعن تجربه

الوقت المستغرق سنتين ومتوسط التكلفه 6000 جنيه وفي المقابل :

* هتتعلم تعليم اكاديمي بحت ملوش علاقة بالواقع العملي يعني رجعت للجامعة تاني برجليك

* هتتعلم حاجات انت مش محتاجها زي الاحصاء والاقتصاد كانك طالب جامعة

* مفيش اي مهنية في الدبلومة ولا حالات عملية حقيقية والابحاث من على النت والدكاتره عارفين

* اللي بيشرحلوك من دكاترة نفسهم معظمهم ان لم يكن كلهم مش شغالين في الواقع العملي وميعرفوش مشاكله ومعظمهم واقف عند رسالته اللي ناقشها في سنة 1990 والنقد هنا للمنظومة مش للاساتذة

* هتتحول في اقل من شهر لواحد مجرد انه بيدور على حد يسجله حضور وعاوز ينجح وبس

* الدبلومة في الغالب سبوبه للدكاتره عشان تشتري كتبهم وده بنشوفه في الشيتات واكتب اسمك في المكتبه ودرجات اعمال السنه

* الدبلومة مش الشهادة اللي هتنورلك السي في ولاحاجة ولاحد بيبصلها اصلا



تعالو بقى نشوف ب 6000 جنيه وسنتين تقدر تعمل ايه ؟


* بفلوس الدبلومة تاخد حوالي 10 كورسات يخلوك سوبر مان

* ممكن تتعلم في السنتين دول شهادة مهنية بتكلفه اكبر شويه

* ممكن تنزل فيهم مكتب محاسبة متوسط وتقضي فيه السنتين وتخرج منه برنس

وفي الآخر عمرك سمعت عن حد اشتغل عشان عمل دبلومة ؟

- رجاء حط عمرك وفلوسك في المكان الصح
- لو انت مختلف معايا في الرأي رأيك يهمني
- لو عندك تجربه مع الدبلومه ياريت تحكيلنا لو ايجابيه او سلبيه
- لو تعرف حد عمل دبلومه اوعى تسيبه هاته هنا يقولنا رأيه



إعداد أستاذ / أحمد عبد التواب

هناك تعليقان (2):

  1. كلامك صح بنسبه كبيره جدا

    ردحذف
  2. ممكن اعرف اى هى الكورسات اللى هتخليك سوبر مان فى المحاسبة بالى 6000 جنية دول بلاش تقول cma والانجليزى هل فى حاجة تانى هتوصلنى لكده

    ردحذف

ملحوظة: يمكن لأعضاء المدونة فقط إرسال تعليق.

يتم التشغيل بواسطة Blogger.